دنياا غريبة ماحسبنا لها حساب

اشوف انا الدنيا تعـــــكر صــــفاها
دنيا غريبـــــه ماحسبنا لها حساب


دارت علي من كل صوب(ن) رحاها
واصبحت مغلوب(ن) وانا كنت غلاب


حسبي على الايام مابــــعد مداها
بغيت اسابق ركبها والامل خـــــاب


عجزت امــــيز طيـــبها من رداهــــا
توي عرفت ان الزمن ماله اصـــحاب


النفس ماتـــقوى على اللي بلاهــا
وقلبي من افعال الزمن ياعلي شاب


الـــناس ترقـــد ليلهـــا ويهـــناهــــا
وانا عيوني دمــــعها دوم ســـــكاب


مدري من الدنيا وش اللي دهاهـــا
لجيت بفتح بابها تقـــــفل ابــــواب


ياعارفين الوقت وشـــــهو دواهــــــا؟
ينشدكم اللي من عنا الوقت منصاب


ويالله يالمعبود تجعل عناها
لي رحمة(ن) يوم المخاليق طلاب